近況係........不過不失死唔去。
最近個人係....... 好冇自信。做咩事都冇動力。
好多野都冇自信.........第一次對自己o既日文冇自信..........
10月18日。人又大一年。
感覺一事無成。又係一個人.........
好希望今年唔再許同一個願。
]]>
2年前2007年6月28日就係我去日本讀書O既日子。
諗返起我竟然可以實現左我最大o既夢想。真係好似發夢咁。
o係日本1年幾。o係我人生中最寶貴o既一段時間。一個人生活。日文講真真係學唔到d咩。但係識到好多好朋友。又狂打工。去左好多地方。食左好多好野。見識左好多好多..........
2年後。我而家人在香港。有時會o係度諗如果我冇返黎你話幾好呢?但始終香港都係屬於我自己o既地方。而家搵到一份唔講得上係好好o既工。但起碼而家o既生活可以過得唔錯。已經覺得好滿足。
但好想再俾我出走去第2個地方。一個人生活下。
俾左一個目標自己。30歲前我一定會再去日本完成埋未讀完o既日文課程!!!
]]>賀亞BEE 榮升鄭太，仲要有喜六個幾月。囡囡9月出世。雖然擺酒冇預我地。但出到黎見到佢一副幸福少奶奶o既款，之前大家心知o既事，都唔想再提。希望佢平平安安生返個肥肥白白的B女。
最近心情唔係咁開心。樣樣野都提唔起勁。好冇MOOD。
我最重視o既o固班朋友最近都冇找我後，生活好似好悶咁。到左WEEKEND會諗下唔知今個星期會唔會約出黎見下呢? 唔知過左幾個星期，但係到左今個WEEKEND 都係咁。哈~ 為
返工壓力會有，但都支持到。最近開心o既事係同公司的同事都相處得幾開心。
今日返工好開心。心想返左咁多日工都見到佢。今日唔知返唔返工呢? 今日返8點。8點唔見佢，8點半唔見，9點唔見。覺得可能佢今日放假啦。到差唔多10點時。佢竟然o係我隔離出現。仲要有eye contact 。即刻勁緊張。
原來好想好想一樣野發生。真係會有奇蹟。哈哈~ 所以今日成日都好開心。
好耐都冇試過呢D感覺。
而家心入面冇入其中"朋友"呢一PART。
好耐冇試過呢D FEEL。 之前因為一個人而完全冇留意身邊O既人。
如果再有出現O係我面前的話。我唔會再錯過。
]]>出左一次埠! 見到我最想見的人同朋友。過左一個好開心o既週末。
充電後再返工。
今晚去左飲亞楠o固餐!!!! 場面都幾開心。似返佢好中意玩o既性格!!!
攪到我都忍唔住諗幾時到我有呢個機會呢??
祝陳生陳太百年好合，永結同心。青春常註!!!!
]]>今日又係做到死。不過今日係亞yan o既last day。佢係我o係呢間公司最好o既朋友之一。
識到佢好開心。我唔識講呢個時勢走係唔係一件好事。希望佢可以快D 搵到份好工。我都好想可以同佢去到一次日本之旅呀!!!!
今日收工後同左CAROL ,MAG, IRENE 去左稻香打邊爐。晚市1蚊1隻雞呀!!!! 但我地又食唔哂。覺得好浪費食物囉。不過間野真係好嘈。嘈到講野要勁大聲先聽到。
聽日要返工。好在返9點。星期六同星期日有得放孖DAY!!!!! 好開心呀!!!!
今日返工同一個未傾過計O既同事開左個玩笑。點知係我誤會左。攪到人地應該勁無奈。
最後我都有同人地SAY SORRY! 但我真係唔係有心的。希望佢唔好介意啦!!!
我係好人黎架!!!!!
]]>本來呢一對應該係上年已經結，好似話屋企有白事，所以到今年5月28日先攪。
到左今年年初時，我朋友做人老豆了。又結婚又生仔。
一年內滿足哂人生2個重要o既step!! 其實我朋友都好大壓力咁。佢而家已經諗緊佢個細佬要上咩play group!!!!! 佢老婆而家只係有喜4個月!!!!!!!! 勁
尋晚出黎飲野收佢張帖!!!!佢今次要洗好多錢。陳柏楠!!! 做人老公做埋人地老豆。唔好再講咁多粗口!! 努力搵錢呀。
今日收工後去左拎野俾十幾年冇見o既堂哥。想當年最後一次見佢係細個小學時放暑假年年都會返大陸玩。o固時我真係好痴佢。佢應該大我7-8年大右。佢10幾歲時我真係覺得佢勁靚仔架。之後佢移民左我都冇再見過佢啦。聽聞佢心好似結過幾次婚。已經有小朋友。去到酒店，諗緊佢而家唔知咩樣呢? 一開門。大陸典型o既暴發戶look--- 平頭+polo shirt + 皮鞋+一個6個月身紀o既肚dum!!!!(其實我老豆都係差唔多，不過冇肚dum!!!) 係唔係大陸人都係要咁o既look 呢?
行入去見到一個女人。原來係亞嫂。吹左陣水。亞嫂原來已經有左5個月啦。不過聽聞我堂哥攪生意都攪得幾好咁。見到佢房入面地下放滿名店o既紙袋都知咩事。下次再見應該會係佢老婆生左後返大陸飲佢o固餐滿月酒啦。
感覺好奇怪。細個一齊玩仲好似係冇幾耐前o既事。見到佢真係好覺得，時間過得真係快。
最近真係好多喜事。o係最近咁藍色o既心情入面好似有返d開心o既顏色!!
我都要俾心機呀!!!!!!!
]]>今次日本之旅試左好多唔同o既野。見到想見o既人。做左想做o既事。
期待5月。
有D 野，好唔開心。但唔知可以同邊個講。
到左呢個時候。先發覺o係呢個時候可以同我分憂o既知己真係少之又少。
唔知自己做過d咩? 明明之前都仲好地地。唔知點解最近我o固班最好o既朋友。有活動都唔叫我出黎。今日收工打俾佢地問有咩攪，睇下會唔會有飯食，打算拎d 手信出黎。點知原來佢地今日已經約哂出黎打算bbq 定打邊爐。 打到去搵佢地先問我出唔出黎。究竟係唔係我做左d咩事呢??? 出到黎好似眼尾都唔望你一下。好在男仔o固堆都冇咩野。就算真係有d 咩事發生左攪到冇朋友做的話。我都好想知道係咩原因等我唔好死得不明不白。
識左差唔多10年啦。大時大節大家都一定會聚埋一齊o固陣，就會覺得有呢班朋友keep到而家好安慰。而家個心好痛。唔想到咁大個人都要為呢d 事唔開心。 我可以點呢???
前2日同妖女上左大陸慶祝佢生日。去左按摩。第一次駛咁貴。不過好開心。
今日返8點。o係平時日文組area度。今日佢坐左過黎。今次真係好明顯feel 到，佢o既眼神真係對我有d........ 起碼我今日坐坐下午，突然聽到有把男仔聲。擰轉頭一望，同佢有eye contact 。突然間有少少........... 其實平時d 第一次見o既同事，平時星期六日冇咁忙o既時候都會大家傾下計。但今日認識左佢隔離o既同事亞kat ，同亞kat 傾傾下時。佢會擰埋轉面一齊聽一齊笑。但點解唔會搭嘴一齊傾呢??? 不過我自己都冇膽撩佢講野啦~哈。今日o係同一個空間咁近距離都講唔到野，點解呢??
希望下個weekend 大家要返工的話再有咁o既機會都想同佢講下野。
嘩。我又變左少女啦。
其實最近我知道心入面多左公司呢位同事後。諗少左心入o固個佢。前2晚發夢，俾我夢到佢。成日都令我放唔低佢。可能真係整定.........
聽日放假。今晚唔好諗咁多訓返覺好o既。
]]>我個胃今日又好痛。尋晚3點幾開始痛。痛下又訓下到左7點要起身時都仲係好痛。
諗諗下今日係公眾假期就算返左工拎2個中出去睇醫生都幫唔到我。
雖然請SICK LEAVE 會冇左今個月份BONUS，但真係好辛苦都係請左。
之後7點幾就去左睇急証。好在等左唔係好耐，話我胃抽筋。
仲要打針同食藥。打完針後仲要觀察一個中先。一個中頭後都仲係痛。
我問醫生。如果仲係痛咁點? 佢話要再打針觀察。
唔好講笑啦。我後日上機啦。要我留院咁點算????最後我話冇咩事。拎左D 藥就返左屋企。
好在訓左一覺後都冇咁痛。
胃!!!!!! 呢幾日你要生生性性呀!!!!!!!
唉~ 聽日返工。好痛苦!!!!!
]]>睇到身邊個個都有4連休放真係好羨慕!!!
哼!! 到下個星期我出發o既時候就到大家羨慕我啦~ 哈哈哈
最近真係好在意一個人o既目光。好開心今日返工又見到佢啦。
但到而家我同佢都未講過野。
努力呀我要。希望今次會係我一個重生的好機會啦。
p.s. 我部電話已經死左整唔返啦。 5月出糧我要買部新o既!!!!!!!
有冇好介紹呀???
]]>
咁都未夠慘。
最慘係，繼上次搭巴士時部手機個mon撞爆左後。今次係成部機趺左落馬桶.............
不幸中之大幸係沖左水後先趺落去。如果唔係都唔知點執。
但救返上黎後部機已經係完全唔著啦..........
今次希望都會整得返啦。
可唔可以唔好咁黑仔呀???
]]>
尋日放假出左去食飯後。今日留左o係屋企嘆下世界。
有時都覺得自己都幾「宅」。
放假除左中意同朋友出去食下飯，睇下戲。
唔太中意唱K。之前讀書時出去玩得太多而家攪到少少驚。所以而家極少出去夜浦。
好多時都係中意留o係屋企睇下日劇。
有人笑我唔去D 唔去浦。我唔覺得去呢D 地方會好巴閉囉。
去BAR 飲野o固d 我係Ok o既。間唔中去下狂飲都OK 的。
我去o既時候唔駛周圍話俾人知。
我希望我o既男朋友唔會係咁出去浦囉。
成日都出去浦o既人會俾到安全感嗎??
頭先無聊下睇左一個男性朋友o既blog!
完來平時咁唔正經o既佢，都會有感情煩惱。直程係成個少男咁!!!! 哈哈哈哈
我好賤呀~~唔應該笑。我又何嘗唔係成個少女咁。
突然覺得。就算係平時一個勁唔正經O既人，都係咁需要愛。
突然間覺得大家都叫我唔好再堅持落去，而家好似有返少少繼續堅持o既動力。
長情係傻。但唔等於就手係o岩呢~
]]>
第一次食呢D 野。好似唔太o岩我食。
不過一齊出黎食下野已經好開心。
clarie!! 24歲生日快樂。身體健康。心想事成。
點解咁多年朋友都可以咁冷漠。
究竟係識左咁多年都係唔了解定係有d 咩事發生左?
唔預我咪唔預我囉。
一場朋友真係冷漠到有d 得人驚。
]]>
上一次返又係唔知睡要搭的士，今日又係咁~ 唉><
尋晚完全訓唔著。 真係好痛苦。
最近唔知點解好似樣樣野都冇咩心情做咁。
呢份工開始有壓力啦..........
期待4月!!
P.S 5月24日午收到!!!!
]]>
果然而家真係唔訓一晚半晚都會冇命。
攪到今日個腦完全呆下呆下諗唔到野。飯又食唔落...........
最大問題係.............
今日約左CHERYL o係旺角食飯!!! 我上左車等佢打黎我先記得.............
本來諗住o係城隨即刻落車。但都趕唔到啦。
CHERYL!!!! SORRY!!!
下次我一定要請你食飯補返數呀~~~
]]>到左今日終於都可以上返網啦。
台北返黎後，完全冇動力返工呀~~~~
同中學班朋友終於可以一齊坐一次飛機去旅行。仲有第一次坐business。
o係台北4日3夜一直落雨落唔停，仲好凍tim。
不過好多好攪笑o既野。希望下一次可以更大班人一齊去反啦。
本來on返line 都好開心。
點知頭先有人問我:「你4月放大假咩?」我話「係!」
之後人地話「咁你咪同唔到我地去玩囉?」
我真係好嬲。呢班係之前做野o既同事。平時間中出黎食飯唱k 都ok o既! 佢地好中意攪好多活動去旅行。我最中意去玩架啦。叫到我我一定就。但係唔好成日都難為我囉。有一次，佢地去camp 。放工後打俾其中一個打算出旺角食餐飯啦。點知原來佢地去緊camp 。仲講話「你唔係唔黎呀?而家係顯示你誠意o既時候啦!」。邊個冇誠意呢唔知? 上次講話報個短線團。 拎左假後改左日子又唔出聲，要我打去問佢地先同我講。最後我就唔到，好彩都仲去到轉台灣。
唔係事事都可以唔計較。容忍都有一個限度。如果做朋友次次都係咁鬼假。我真係冇誠意再同大家一齊玩落去。
最近又發覺原來塔羅牌講咩都係影響唔到我。 好開心。
暫時都係俾我自己傻下啦。
妖女唔好玩野呀!!!!!!!
]]>